ميمى جمال وفاة حسن مصطفى كسرت ضهرى وقعدت فى البيت 6 سنوات

قالت ميمى جمال خلال لقائها مع الإعلامى دكتور عمرو الليثى بيرنامجه واحد من الناس على شاشة الحياة،  ان المخرج عز الدين ذو الفقار هو اللى اختار لى اسم ميمى وكنت لسه طفلة صغيرة وكان في فيلم للاستاذة شادية اسمه أقوى من الحب، وناس قالوا لي روحي عمارة الايمبوليا اقابل المخرج وقالي انا عاوز طفلة تعيش سنها لا تغنى ولا ترقص.

- Advertisement -

ومن ناحية اخرى تابعت إنها من مواليد شبرا ولديها اخ واحد فقط وعائلة صغيرة جدًا انا وبابا وامي واخويا وجدتى وبعد كده حسن الله يرحمه،انا بعد ما حسن توفى أنا قعدت ٦ سنوات فى البيت وبطلت كل حاجة، ورجعت للتمثيل تاني وحسيت كأني لسه وجه جديد، وحسيت ان الوسط الفنى اتغير.

واضافت  إلى ان زوجها الفنان الراحل حسن مصطفى كان طيب جدا وبيحب اولاده جدا، وكان يعطيك النصيحة مجردة، وكان دائم التعبد والصلاة، وانا بعد وفاته حسيت ان ظهرى اتقسم.

وأشارت  أن بناتها تزوجوا وخلفوا واصبحت جدة عندى ٣ احفاد بنتين وولد واختتمت كنت سعيدة جدا في فرح حفيدتي بس افراح دلوقتى غير افراح زمان خالص العريس والعروسة والمعازيم تنطيط طول الفرح.

وعلى جانب اخر كشفت الفنانة ميمي جمال، تفاصيل اللحظات الأخيرة من حياة زوجها الفنان الراحل حسن مصطفي، قائلة “هو كان في العناية المركزة وانا كنت واخدة اوضة في المستشفي عشان الزيارة كانت ممنوعة منه فكنت انا استقبل الناس .. وبعد ما خرج من العناية جابوه في الاوضة جمبي وهو كان علي السرير وانا علي الكنبة.

كما أضافت ميمي جمال، أن بعد خروجه من العناية المركزة ووضعه في غرفة أخري قام بطلب اكل كومبوت فاحضرت له وأكل وبعدها شرب المياة وطلب منها الجلوس بجواره، فجلست ووضعت يدها علي خدها، فقال لها “شيلي إيدك من علي خدك . الأيام الجاية هتعملي كده كتير.

وتابعت الفنانة ميمي جمال، أن بعد ذلك أسند رأسه الي الخلف ولم يتحدث مرة أخري وفاضت روحه، وعلمت بذلك عندما كانت تحادثه ولم يرد عليها.

- Advertisement -